|| جديد منتديات مملكة مودة النسائية ||
شكر وتقدير وعرفان لعضواتنا الغاليات اللاتي ساهمن معنا في بناء المنتدى .. بالمواضيع والردود والتفاعل .. أقسام المنتدى وزواياه تشهد لكم .. فشكرا ألف ولا تكفي .. شكر وتقدير

آخر 10 مشاركات
بوح مها (الكاتـب : مهاا - )           »          المرقوق عمل ايدي بالصور خطوة خطوة (الكاتـب : مهاا - )           »          هروب الفتيات الى اين؟ (الكاتـب : DANA - )           »          زوجي يماكل و يقلب نقاشاتنا الى هوشه. (الكاتـب : صوت البلبل - )           »          زوجي يماطل ولا يصرف الا بشق الانفس (الكاتـب : صوت البلبل - )           »          عذرا أُخَيَّه ..مالديكِ ليسَ استشاره, إنما ...ملفات جنائيه وقضايا عالقه (الكاتـب : عااااااابر سبيل - )           »          بشرى لكل من ترغب بالخصوصيـه والرأي السديد& افتتــاح ركـن الاستشــارات المدفوعــه & (الكاتـب : هذا رأيي - )           »          دورة : (( يدي في يدك لتتوجي ملكة على عرش الشمالي )) في حلة جديدة (الكاتـب : انتصــار - )           »          ديوان شاعرة الحلم مها الرياض (الكاتـب : مهاا - )           »          المخبـــ~ــأأ السـري ,, خربشات و أحاسيس أنثى حالمه ~ (الكاتـب : سااآلومي - )


العودة   || منتديات مملكة مودة النسائية || > المنتدى العام > بوح الودودات


إضافة رد
 
LinkBack أدوات الموضوع انواع عرض الموضوع
قديم 17-10-12, 01:50 PM   #1
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي ديوان شاعرة الحلم مها الرياض



بسم الله الرحمن الرحيم
اخواتي عضوات منتدى مملكة مودة
اضع بين ايديكن ديواني الشعري
راجية ان ينال اعجابكن واعجاب متابعيني في كل مكان
على بركة الله


 
مسرورة و بسمة أمل معجبون بهذا.


رد مع اقتباس
قديم 17-10-12, 01:53 PM   #2
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



امي
في انخفاضي على تقبيل يدك
يرتفع راسي الى حد السحاب
تشبهين البحر في طول مدك
اما جزرك فسيل يغطي الهضاب
في عطائك مافي الكون قدك
والوفاء يالوافيه بلغ النصاب
جاك طيبك من ابوك وجد جدك
وغير هذا فزتي يمه بلين الجناب
شلتي ايتامٍ ولا بيحتي سدك
وضيقتك ماشافها حتى الاقراب
تطلبين الله من فضله يمدك
واحمد الله دوم فاتح لك ابواب
اتفائل لاسمعت قراية وردك
ولا طلبتي ربي يجنبنا الصعاب
قل ذات اليد مافي يوم ردك
عن عطايا اعجزت بعض الشباب
افتخر يابنت جدي بك واعدك
اطهر واطيب من مشت فوق التراب
ماهو قصور بالنساء بس ماهن بندك
من قديم الين ساعة هالخطاب
ايه احبك وايه اعزك وايه اودك
ولو طلبتي نور عيني ماافاصل فالحساب
الله يقدرني على برك وودك
ويحفظك ربي من انواع العذاب


 
ينابيع الحكمة و مسرورة معجبون بهذا.


رد مع اقتباس
قديم 17-10-12, 01:55 PM   #3
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



الحب السامي
ايه احبك حب سامي
حب واضح في كلامي
حب ارواح ومشاعر
حب تنطقه الحروف
بالدعاء لو ماتشوف
حب سامي
لااتصال ولا وصال
او رسائل بالجوال
حب طاهر
ماهو من اجل المظاهر
حب من روحي لروحك
افرح بحكيك وشوفك
وخوف لا افقد خيالك
ضحكتك....حسك ....وصالك
حب سامي بالمشاعر
واندماج حسي وحسك
صرت احب اللي تحبه
حتى لو ماني احبه
وقمت اردد مفرداتك
لهجتك .. حرفك .. وذاتك
صرت احاسب في كلامي
ولجلك اكثر سلامي
وصرت اشوف الدنيا حلوة
واختفى اللون الرمادي
من عيوني ومن فؤادي
وكل شي اصبح جميل
وفي هواك طاب المقيل
يااااه انا احبك كثير
وان سمعت اسمك اطير
وصرت اردد في الاغاني
واسرح .. واحلم .. واغير
وابتسم مهما يصير
اتفائل لالمحتك
واتنرفز لافقدتك
وشوفك عندي يوم عيد
اعيشك حلم باعماقي
وابوح بكل اشواقي
غلا ..وابيات .. وقصيد
واكرر كلمة احببببببببك
ولا ارضى احد يسبك
وادعي ربي وربك
تكون يالغالي سعيد
لاحظ اني قلت لاحظ
هالغرام وانت بعيد
اقول ياللي تعرفونه
يابختكم يوم تشوفونه
مناية تلمحه عيني
وتشوف عيوني عيونه
ابي اطمني قليبي
لاني فيه مجنونة
انا مااحب بالساهل
واذا حبيت مااتساهل
لان اللي احبه دوم
اكيد انا يستاهل
انا قلبي عليه ضامي
لانه كل احلامي
وهو قلبي وروحي
لانه حبي السامي



 
ينابيع الحكمة معجب بهذا.


رد مع اقتباس
قديم 17-10-12, 01:58 PM   #4
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



حبيب القلب
حبيب القلب باحساسه دعاني
وهو ماقال لي شعر واغاني
يترجم صادق احساسه فعايل
يقدر .. يحترم .. ويخاف اعاني
يطالعني بحب مانطق به
ويغض الطرف الا منه لفاني
اشوف الشوق في عينه لاسلم
واحس بنبض قلبه في المحاني
احبه حب مايخطر في باله
واترجم شوق قلبي بالمعاني
وادري فيه يدري اني احبه
ويدري اني دريت انه بغاني
يفز لشوفتي وافز لاجله
وافرح به ولو ماجاء عشاني
والامنه تضايق ضاق صدري
ولكن مااسأله من ما يعاني
اخاف ان السؤال يزيد ضيقه
او يمكن رايده من شخص ثاني
لذلك بعشقه من دون علمه
وبحبه حتى لو انه نساني
لان القلب حبه دون حاجه
واظنه دون حاجه هو هواني
انا من غير لاادري لقيته
وهو من غير لايدري لقاني
تواصل بالمشاعر لا ارادي
ماندري كيف جاه وكيف جاني
احسه يبتسم لا شاف حرفي
وانا اشوف السعادة كان جاني
وادعي له بظهر الغيب دايم
عسى مايشوف ميلات الزماني


 

التعديل الأخير تم بواسطة مهاا ; 19-01-06 الساعة 02:44 AM

رد مع اقتباس
قديم 17-10-12, 01:59 PM   #5
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



قليبي عطيتك
بدون ماتطلب قليبي عطيتك
ياويل قلبي كان ماودك اياه
وبدون ماتشعر ولا اشعر هويتك
وتجاذب الارواح حقق له مناه
يفز قلبي لا لمح مانشيتك
ولاشفت زولك قلت حياه حياه
ياعيوني وقلبي البيت بيتك
قلبك دعى قلبي وبشوق حياه
لبيت لعيونك ولاسمك وصيتك
والقلب رحب بك من اقصاه لاقصاه
ساعات اقول اني نسيت وسليتك
وبقوة يرد القلب لايمكن انساه
واقول ياقلبي هماني حميتك
وحطيت من دونك اسوار مبناه
وش لقفك تطلع وانا مادعيتك
ماقلت لك ان الهوى اخره ااااه
ماطعتني ياقلب يومٍ نهيتك
حبيت لك شخص ماتدري وش اقصاه
ضحك قليبي وقال يابنت ليتك
يجيك نص اللي يجيني بلقياه
والله ياريم الفلا لو رجيتك
انك تخلينه لقلتي لا بالله
قلت افرض بقلبه طافي نور ليتك
وانت تحبه وطول وقتك تمناه
قال اسكتي يرحم حيك وميتك
تراه يهواني كثر ماني اهواه
لكنه يحترمك ويراعي اتيكيتك
ويخاف من هرج على غير مشهاه
ضحكت وقلت ادري..فديتك
وانا اغض الطرف لاصرت وياه
ومااصدقه لو قال تراني نسيتك
ادري يعشقني ويردد اويلاه
وتعال اقول لك شي فعلا هويتك
وقلبي اسيرك جاك بكامل رضاه


 


رد مع اقتباس
قديم 17-10-12, 02:01 PM   #6
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



وش صار
بنبرة حب يسالني
يقولي يالمها وش صار
ماصار شئ يالغالي
ولكن قلبي يمك طار
واخذت عقلي بعد مني
وصرت محور الافكار
وملكت احساسي وشعوري
وصاروا لك من الانصار
وتفز لشوفتك عيني
وقلبي يدق مثل الطار
وانسى كل من حولي
وتجيني حالة استنفار
تقل صابني جني
او بسم الله فيني زار
وارحب بك واهلي بك
واقولك اعذب الاشعار
واعشق كل حروف اسمك
واكتبها بسوارتي تذكار
واذا شفتك سعيد اسعد
وزعلك يالطيييييف ..اعصار
طلبتك ياحبيب الروح
ترفق باللي جوك زوار
عيوني وقلبي وروحي
في وداعتك من الاخطار
ومثلك يكرم ضيوفه
كما غيث له مدرار
ومااوصيك في قلبي
تراه يعشق الابهار
ابيك تصبحه بوردة
وتمسيه باجمل الازهار
وابيه بقلبك مكرم
وابيك تخفيه عن الانظار
مابي من هب يحكي به
ومن دب يلمزه باستحقار
وابيك تحبه وتغليه
مثل ماهو عليك يغار
ولكن كان ماتبغيه
فصد وكثر الاعذار
سالتني يابعد عيني
وهذا اللي ياحبيبي صار


 


رد مع اقتباس
قديم 17-10-12, 02:02 PM   #7
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



اذا غاب
اذا غاب الحبيب
شوي
يغيب الضي
ويروح من الشجر
الفي
ويعم الليل
لاشمس ولا قمرا
ولا ضحك ولا سمره
كاني ماسكة جمرة
وتوقف دقة
الساعة
ويطول الوقت
بزيادة
وياويلي مدري
شيجيني
يضيق الكون
في عيني
ويحبس دم
شراييني
وتجيني كتمة
في الانفاس
وقدامي يختفون
الناس
واتوه اكثر
واضيع اكثر
واكبر في العمر
اكثر
لانه بس
غاب شوي
فديتك ياعديل
الروح
مابيك فيوم
عني تروح
وتترك قلبي
كله جروح
تراني اغليك
بالمرة
وعندي غيبتك
مرة
لاتحرق قلبي
وتحره
وتذكر اني حيل
اهواك
ووعدتك في يوم
ماانساك
واذا ماكان
تبغاني
وعزمت انك
تنساني
فأ انا ياخلي
عند وعدي
ماراح انساك
بالمرة
انا اعشق سمو
ذاتك
وروحي ياحبيب
القلب
بدون اي مصلحة
جاتك
يعني حب
بني عُذرة
يضيّع العقل
بلا خمرة
مثل حب العامرية
لقيس
حب عذري
نقي طاهر
مابي من وراه
اي شي
ابيك بخير
ومتهني
وتكون قريب
مني
وكلٍ له في
الهوى عذره
وتكفى لاتغيب ابدا
حتى لو كان
الغياب شوي


 


رد مع اقتباس
قديم 17-10-12, 02:04 PM   #8
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



لو تشوف
لو تشوف شلون اشرح لك غلاك
والله ان تشفق علي من الجنون
اعتدل في جلستي كني معاك
وتنطق شفاهي هلا بك ياحنون
واقعد اسولف واجيبك من هناك
واللي حولي يهمسون ويضحكون
مدري حشمه او غلا او ذا وذاك
الوكاد انك تحرك ... بي شجون
من ورا الشاشة ويجيني ارتباك
قلبي يرجف وبعد يديني يرجفون
والكلام اللي جمعته بقوله في لقاك
والقصيد اللي على عذب اللحون
كل هذا يضيع مع بسمة شفاك
ولالمحتك ضاع حتى الحاضرون
واعتقد ياروحي ماتجهل غلاك
لو حذفت الحرف بين في العيون
ياحبيبي قلبي مايعشق سواك
وانت وحدك مالكه واللي تمون
وعاد ماوصيك دام القلب جاك
كان ماتبغيه رده لي تكفى بهون
وانتبه ان شفت في حرفي اشتباك
وحست ام اللهجة اللي تنطقون
اعرف انك قلت لي يسعد مساك
اجل لو قلت احبك ..... وش يكون


 


رد مع اقتباس
قديم 17-10-12, 02:05 PM   #9
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



تصوير باحروف لطلعتنا بالربيع
الارض خضرا والسما كلها غيوم
ومناقع الماء مثل.. حبات ماسي

فيها النفل وازهار صفرا ويشموم
وفيها الجبال الشامخات الرواسي

وبراد منعش كنه مكيف عموم
والارض ممطورة لعدة اماسي

وتسابقوا ريضانها علية القوم
احدٍ جلس واحدٍ يحط ويواسي

وذولاك فيها ياعرب من كذا يوم
في مخيمات ثابتة ...بالاساسي

وجينا بروض ماهو اليوم مزحوم
وانا جلست بوسط اهلي وناسي

وقمنا نسولف في مواضيع وعلوم
وزان المزاج وراح عني عماسي

ورحت اتمشى واجلس شوي واقوم
معي تيلفوني وشالي وكاسي

واصور اللقطات مرات بالزوم
ومرات اقربها وابين احساسي

واطالع طيور السما قامت تحوم
ياحظ من هو مثلها ..مايقاسي

واسمع لابونورة وراشد وفطوم
الين زاد الشوق.. والشوق قاسي

وسرحت بالتفكير في شخص معلوم
اللي اخذ قلبي ...وكامل حواسي

وفجأة لمحته يبتسم وهو مهموم
وفزيت له فزة غلا ...ماتقاسي

لكن طلع كله خيالات وحلوم
هذا وهو خيال حبس انفاسي

ورجعت للواقع وفي قلبي وسوم
وكتبت لي ابيات شعر حماسي

كتبت صدر البيت على قافية اوم
والعجز حطيته على وزن اسي


 
مسرورة معجب بهذا.

التعديل الأخير تم بواسطة مهاا ; 18-11-26 الساعة 10:52 PM

رد مع اقتباس
قديم 17-10-12, 02:07 PM   #10
مهاا



الصورة الرمزية مهاا
مهاا متواجد حالياً

بيانات اضافيه [ + ]
 رقم العضوية : 8186
 تاريخ التسجيل :  Oct 2017
 أخر زيارة : اليوم (08:02 AM)
 المشاركات : 9,180 [ + ]
 التقييم :  10
لوني المفضل : Cadetblue

10  
افتراضي



احبك حب عالصامت
احبك حب على الصامت
احبك بس حب قلوب
لاني ياحبيب القلب
جفول وذا مو عذروب
احبك واعشق واهواك
وقلبي في يدك مسلوب
انا مااقدر ابين لك
سوى في حرفي المكتوب
تعال وشوف... كلماتي
وركز لي على المطلوب
ولاحظ لاكتبتك حرف
تغير عندي ..الاسلوب
اكبر في حروف اسمك
واكتب تحتها المحبوب
واذا شفتك خفق قلبي
وغنا لك على المسحوب
وتمتمت بحروف الحب
هلا .. لبيه .. يالمهيوب
واذا قلت لي صباح الخير
ياويلي.. ارد... بالمقلوب
واذا قلت يامها شلونك
اذوب في ذمتي اذوب
ويتلخبط فكري وحكيي
كأني شاربة مشروب
ويشوفك قلبي المغرم
جميل وراقي وطيوب
تصدق يانظر عيني
انا اشوفك بدون عيوب
وارحب كل .... ماشفتك
غلا ياخلي مو مغصوب
وقلبي يخلص و يوفي
ولا يكره ولو مصيوب
حبيبي وداعتك قلبي
ترا اسمك داخله مكتوب


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 08:57 AM


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
Ads Management Version 3.0.1 by Saeed Al-Atwi

HêĽм √ 3.2 OPS BY: ! ωαнαм ! © 2010
vEhdaa2.0 by vAnDa ©2009

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86